過去幾年，香港遊戲業界非常活躍，「獨立遊戲」四個字亦開始響主流媒體上出現。作為業界一份子，睇見獨立遊戲漸漸被公眾受落固然係開心啦。不過，隨住越來越多人注意到「獨立遊戲」，「獨立遊戲」呢四個字嘅含意亦開始引來各種問題。究竟咩係「獨立遊戲」？經濟獨立？設計獨立？「獨立遊戲」有冇金額或團隊人數限制？而家嘅「獨立遊戲」因為欠缺一個權威性嘅定義，所以投資過百萬開發費嘅遊戲可以出嚟話自己係Indie、幾十人嘅公司，整咗幾年遊戲又攞出嚟話自己係Indie… 原來「Indiepocalypse」（獨立遊戲泡沫）已經不知不覺進入咗開發者之間嘅話題當中。
Read more
一年容易又放榜，年年都聽到同學仔問「點樣先可以成為一個遊戲設計師」、「整Game人工幾多錢」，甚至有研究調查話小學生嘅「我的志願」頭三名係明星、運動員同遊戲設計師。其實咩係「遊戲設計師」？遊戲設計師嘅工作又係咩？與其繼續FF落去，今次我想借《品味遊戲》以最貼地嘅方法講一下「遊戲設計師」呢個職業。
Read more
其實過去十幾年，業界不斷都有聲音指遊戲開發團隊為咗喺E3上攞到好成績而疲於奔命。AAA級遊戲大作嘅開發往往係以User Experience嘅完成度去衡量，假若開發出來嘅部份未如理想，砍掉重做亦係常有嘅事。所以要咁啱夾到正E3嘅展期，去完成可以令玩家滿意同值得期待嘅內容，實在係一個非常巨大嘅壓力。身為觀眾同玩家，你會希望每年熱熱鬧鬧一場show，定係寧願分散全年，各個廠商各自各精彩？
Read more
香港不乏有創意同埋有心想做好件事嘅人，無奈每每呢啲人一提出建議，風險同金額已經令件事過唔到掌管生殺大權嘅決策層。
Read more
香港一直少有突破性嘅遊戲設計，甚至係近乎冇全職嘅遊戲設計師。除咗外在嘅環境因素之外，部份原因係來自「做遊戲嘅初心」有問題。當「初心」包括咗種種「精明」嘅計算，大部份人都會選擇行條最安全就可以賺大錢嘅路。大家有冇諗過，其實可悲嘅係我地香港人，所謂嘅創意，只係停留響個手機屏幕嘅小小畫面當中，諗住點樣可以賺大錢？
Read more
最近參加朋友飯局，席間佢話想搞遊戲製作，問我點睇。其實一年當中都有唔少人問呢個問題，亦試過有啲朋友嚟我Facebook留言叫我講吓睇法……不過各位大佬，知唔知呢啲問題唔可以公開作答㗎？揞住良心叫人去馬，基本上就等同推人去死。講話唔好做呢？又話我思想負面，自己冇料發圍賺大錢就喺度踩香港遊戲開發。老老實實，不如我問番大家一句，其實點解要做遊戲先？
喺香港，做任何嘢都好，要做到勿忘初心真係唔容易。不過更大嘅問題係，有啲人做嘢根本就無初心。簡單一句「點解想做遊戲？」，答案通常都係二選一，一係就話自己中意打機，一係就話想賺大錢。雖然呢兩個答案唔係錯，但係可唔可以諗深少少呢個係咪真正原因先？
Read more
香港從來都不缺乏有夢想、有熱誠、同埋有行動力嘅年輕人。為咗實踐夢想，好多人會豪賭自己手中嘅籌碼，包括積蓄、健康、光陰，甚至係自己家人以及伴侶幸福。為咗夢想，你可以去到幾盡？今次嘅品味遊戲，我邀請到一位香港本地遊戲設計師，同佢一齊傾吓製作《打工英雄傳》所經歷過嘅種種點滴。
Read more
過去兩個星期，台灣同日本分別舉行咗Digital Taipei以及東京電玩節兩個活動。藉著今次機會，來自世界各地嘅遊戲開發者又一次聚首一堂。新舊面孔走埋一齊，話題當然離不開遊戲世界嘅轉變同發展。返嚟香港之後，同大家分享一下所聽所聞，究竟2017年下半年嘅遊戲世界講嘅係咩話題？
Read more
同人漫畫展大家可能就聽得多，但獨立遊戲展你又去過未？
上個星期四（八月三十一號）香港舉行咗一個叫「Game On：香港遊戲試玩日」嘅活動。今次活動召集到本地超過25隊獨立遊戲開發團隊展示作品，算係香港近年最大型嘅一次獨立遊戲聚會。然而今次並非香港首次有人搞獨立遊戲展。其實過去幾年香港都不斷有人嘗試搞獨立遊戲展，譬如去年香港遊戲創作協會主辦嘅「香港遊戲比賽展覽2016」以及2015年響九龍灣國際展貿中心嘅「Hong Kong Game Expo 2015」。無奈每次搞獨立遊戲活動，到最後總係聽到搞手話大部份到場人士都係業界嘅朋友，偶然有媒體朋友採訪一下已經可以劏雞還神。點解香港搞獨立遊戲展會搞成咁？莫非真係要俾幾千萬請班韓國歌星嚟助陣先可以有普通市民入場？
Read more
近呢幾個月，外國嘅手機遊戲論壇以及YouTube冒起咗一款叫《Last Day on Earth》嘅喪屍遊戲。呢隻Game我之前喺Facebook都有介紹過，詳細內容可以去呢度睇番。（www.fb.com/dixon.gamer/posts/1522386051151802）對於中意玩喪屍題材嘅朋友，呢款求生遊戲相當值得推介。不過今日我想講嘅，唔係呢款遊戲有幾好玩，而係手機遊戲嘅營收同營運模式對一款遊戲所產生嘅影響。
《Last Day on Earth》喺今年5月底上架，直至8月為止，遊戲依然喺公測狀態當中。遊戲上架之後，官方幾乎每個星期都進行各種大小不同嘅更新，並且透過Facebook、Instagram以及YouTube發佈有關更新同攻略嘅資料嚟累積(吸引？)玩家。咁樣嘅宣傳規模同更新嘅執行手法，一般只會用響(係)已經完成嘅遊戲之上，但《Last Day on Earth》推出至今內容不足十個可探索嘅地圖，連一般求生遊戲用嚟建造設施同裝備嘅材料都只係公開最低級別。對玩慣推出時候已經齊曬內容嘅玩家嚟講，《Last Day on Earth》呢種拆散曬嘅手法竟然能夠獲得超過一千萬玩家嘅廣泛讚許同認可簡直就係不可思議。
Read more
今年香港嘅暑假真係非常熱鬧！先係七月底嘅「香港動漫電玩節」，然後就有「香港電競音樂節」同埋「香港復古遊戲展覽」，暑假尾聲仲有個「Game On：香港遊戲試玩日」。一時間電台電視台、報紙雜誌同一眾KOL都齊齊講「打機」，就好似多年嚟被冠以「冇出息」、「浪費時間」同「幼稚」嘅玩意終於可以抬起頭來。可能就係因為咁，呢期我經常聽到身邊有人講：「我侄仔買咗電競嘅Mouse同Keyboard準備組隊呀！」、「我個女想學Unity整Game呀！」、「我細佬今晚開台直播打機呀！」無論男女老幼都突然好熱衷打機。其實香港人一窩蜂嘅熱潮都唔係咩新聞啦，不過當好多人都響度大叫「機會嚟啦，飛雲！」嘅時候，當中有幾多人真係有心發展一個行業，有幾多只係純碎炒作乘機掠水抽水？今個禮拜嘅《品味遊戲》，我借剛剛完結嘅三個本地電玩活動，稍微分析一下「打機」係咪真係可以成為主流。
Read more
記得有朋友講過，「打波嘅遊戲就唔該唔好講故事啦！而家足球小將咩！」的確，市面上大部份球類遊戲都只係專注響比賽，離開咗比賽就冇乜特色可言。（砌隊已經唔算係特色）。對於追求即時反應同快感嘅玩家嚟講，「故事」根本就可有可無甚至係拖慢節奏。所以對於擅長講故事嘅美國獨立遊戲團隊Supergiant嚟講，想要做一個3對3，有少少《NBA Jam》味道嘅MOBA遊戲(Multiplayer Online Battle Arena)，首先要處理點將玩家討厭嘅嘢變成自己嘅一個優勢。
Read more
今期嘅《品味遊戲》想同大家講番一款推出咗都一段時間嘅作品，不過響「炒冷飯」之前，我想先問大家一個問題：你有冇試過發「夢中夢」？
有睇過Leonardo Di Caprio主演嘅電影《Inception》（港譯《潛行凶間》）的話，相信對夢中夢呢個concept唔會感到陌生。（未睇嘅，建議睇咗套戲先，我個人覺得係近十年必睇電影之一）今次想同大家品味嘅《Knights of Pen and Paper 2》（以下簡稱KoPP2），正好就同「夢中夢」有點類似。因為呢款遊戲入面，玩家將要飾演「玩家」呢個角色。
可能係因為最近玩番桌遊RPG嘅關係，打開《KoPP2》,見到Game Master攞住本guide book坐響檯後面，檯前面擺住兩張凳仔，果種桌遊感撲面而來得嚟真係非常貼地。對於冇玩桌遊RPG嘅朋友嚟講，可能對Game Master呢個名詞比較陌生。其實最早期嘅RPG係冇電腦做輔助嘅。戰鬥判定、角色能力提升、劇情推動，全部由主持大局嘅Game Master人手操作，所以原本GM嘅工作唔係齋踢人出隻Online Game咁簡單㗎！
Read more
如果按照以上電競以及遊戲界嘅講法，兩個產業恐怕真係永遠各有各做，彼此都唔需要大家。但其實兩者係咪真係河水不犯井水？睇番電競業界歷史，由街機到第一身射擊，到而家MOBA（多人在線戰術競技遊戲），每每係當一個新玩法出現嘅時候，玩家同觀眾有新挑戰同刺激感，電競嘅吸引力先會持續落去。呢方面其實仲有好大空間俾遊戲製作人發展。例如近年好多人都提到嘅VR遊戲，其實有不少公司同團隊都已經投入設計同製作VR電競遊戲：使用Occulus Rift嘅電競遊戲《The Unspoken》、由內地「英雄體育」投資，利用Virtuix Omni系統嘅VR FPS電競遊戲《全民槍戰》等都係準備登上國際電競舞台嘅遊戲作品。不同嘅新玩法、新思維已經陸續準備面世，相信類似電影《Tron》咁嘅虛擬對戰將會好快響大家面前出現。
Read more
今個星期，遊戲界最大嘅盛事都莫過於一年一度嘅E3遊戲展喇。睇番每年E3，傳媒嘅報導來來去去不外乎Sony、任天堂、Microsoft三大巨頭嘅新機動向，加埋一眾遊戲大廠嘅最新消息。可能就係因為太過集中報導呢方面嘅嘢，所以最近有朋友就話，年年E3都係差唔多，實在覺得好冇新意，好悶喎。
其實，對於業界嚟講，E3嘅價值絕對唔止係睇吓Game Trailer同睇次世代主機咁簡單。E3係全球最多媒體同讀者關注嘅遊戲展，所以响E3聚集嘅人亦係業界當中最優秀嘅精英。由於遊戲係一個非常依賴「人」嘅行業，所以對於做遊戲嘅人嚟講，E3同埋同類嘅遊戲展，最值錢嘅並非產品，而係「人」。
上個星期說到，同一款遊戲當換上不同主題的時候，往往會成為超越原著的熱賣作品。這個星期我想說一下另一種在遊戲界常見的設計方式 — 集各家所長的遊戲作品。
先旨聲明，以下要介紹的遊戲不但免費、橫跨手機及PC平台，而且可說是一玩不能自拔！尤其對競技類遊戲沒有抵抗力的朋友，千萬要小心！
Read more
這個星期，抱病的我想跟大家談一下兩個「放置式治愈系」手機遊戲，比較一下兩者相似之處。正如上星期在專欄中所提及到，玩家的習性就是在接觸一個新遊戲的時候不自覺地拿同類作品做比較。這種比較我個人認為是非常自然而且不可避免的，可是當抄襲成風之後，玩家和開發者對於「抄襲」的看法越走越遠，大家對「什麼是抄襲 / 山寨」多年來依然無法取得共識。而事實上，當我首次拿起The Pokemon Company的新遊戲Magikarp Jump時候，我第一個感覺就是 「這根本就抄襲Mola Mola嘛！」
Read more
喜歡《2048》的朋友，《WorldMaker》絕對是一個非常優質的作品。「往上兼容」令從來沒有下載過前作的朋友可以一個下載玩到飽。不過從下載量而論，這種「特別的上架技巧」證明了製作人並沒有以營運者心態去看待這款遊戲。情況就正如走進一間做不做你生意都無所謂的「私房菜」餐廳一樣，喜歡的人進來好了，不喜歡的話老子也無所謂。「要我更新？我索性推出新遊戲算了」
Read more
結果玩咗10日之後，我越來越發現呢個遊戲嘅處境嚴峻。尤其最近一次嘅update，Niantic幾個改動令好多人好嬲。點解會突然作出咁嘅改動？可能問題其實係來自一d早於開發遊戲初期已經埋藏咗嘅錯誤決定。
Read more